Admin | May 24, 2018

Premsukh

JNV Bikaner, Rajasthan
I'd like to become a Dakshana Scholar and hopefully attend Medical college
Main Dakshana scholar islie banna chahata hun kyun ki main medical field mein jana chahta hun. Mujhe iske jariye AIIMS exam mein sarvoch rank prapt karni hai aur Bharat ke sarvottam medical college, Delhi mein pravesh prapt karna chahta hun. Mere mata-pita ke char putra hai. Ghar ke kamai sirf papa par tiki hui hai. Islie main kam paise mein ek accha doctor banna chahta hun. Mere mata-pita ki ek ichha hai ki ham charon bhai ek achhi jindagi jiyen. Isliye pitaji hame padha rahe hain. Maine navodaya mein pravesh pa kar unka ek chauthai kam kar diya hai. Ab dakshana mein pravesh pana chahta hun taki unki ichha adhi puri ho jaye. Dakshana mein pravesh v yahan se padhkar kam samay v kam paise se mein ek achha surgeon ban paunga. Yahi meri ichha hai. Jab se maine iss Sanstha ka naam suna hai. Tab se hi meri ichha hai ki main iss Sanstha ka ek abhinn ang ban paun v iske dwara AIIMS mein top rank la kar main mere mata-pita,dakshana v mere gaon ka naam kar paun. Mera gaon ek chhota sa gaon hai. Naam hai-Bhadla. Iss gaon ko Rajasthan ki ya Bikaner ki to chhodo, khud meri tahsil ke log bhi nahin jante hain. Main mere jariye mere gaon ka bhi naam uncha kar paun. Main agar doctor ban gaya to main chhuttiyon ya Sunday ke din mere gaon walon, mere apne logon v apni society ka free ilaj v margdarshan karunga v logon ko jagruk karunga ki ek gaon ka ladka bhi ek specialist ban sakta hai. Gaon ke logon keliye bhi koi Sanstha hai jo ek achhi jindagi pradan kar sakti hai. Yahi meri ek arudh ichha hai. Aaj 26 Feb 2017 ke 3 ghante meri life change kar sakta hai. Dekhte hain meri mehnat, mera hosla, confidence v kismat mera kitna sath deti hai. Main iss mein ja kar apne aap ko sabit karna chahta hoon.
Coaching Location: JNV Pune
Batch: NEET 2019
Scholar Form