Mai dakshana scholar banna chahti hoon kyunki mai bade hokar ek honhaar enginner banna chahti hoon. Dakshana mujhe apna sapna poora krne ka sugam path nazar aata hai.
Engineering ki coaching ke liye atyadhik dhanrashi ki avashyakata hoti hai. Mere parivar ki artheek paristhiti iske pratikul hain. Dakshana IIT ki free coaching ki suvidha uplabdh karta hai. Isi karan dakshana hi mujhe apni safalta arjit karne ki swarnim sidhi nazar aati hai. Isse mai apni mummy-papa ka sapna pura kar unka naam roshan krna chahti hoon aur apni parivar ki arthik paristhitiyon ko sudharna chahti hoon.
Mai engineer bankar apne desh ko ek vikasshil desh se ek vikasit desh banane ke liye, vibhinn taknik ka prayog karkar desh ki madad krna chahti hoon. Par mai aisi taknik ki khoj karna chahti hoon jo paryavaran anukul ho.
Note: This is an exact reproduction of the essay sent to us.